കേരളത്തിലെ ഫുട്ബോൾ പ്രേമികൾക്ക് നിരാശയായി അർജൻ്റീന ഫുട്ബോൾ ടീമിൻ്റെ സാധ്യതാ സൗഹൃദ മത്സരക്രമം പുറത്ത്. നിലവിലെ സാഹചര്യത്തിൽ ഒക്ടോബറിൽ ചൈനയിൽ 2 മത്സരങ്ങളും നവംബറിൽ അൻപതാം സ്വാതന്ത്ര്യദിനത്തിനോടനുബന്ധിച്ച് അംഗോളയെയും അർജൻറീന ലോകകിരീടം ഉയർത്തിയ അതെ സ്റ്റേഡിയത്തിൽ വച്ച് കഴിഞ്ഞ ലോകകപ്പിലെ ആതിഥേയരായ ഖത്തറിനെയും നേരിടും. ലോകകപ്പ് നേടിയ മെസ്സിയും കൂട്ടരും കേരളത്തിലേക്ക് എത്തുമെന്നും ഇവിടെ രണ്ട് സൗഹൃദം മത്സരങ്ങൾ കളിക്കും എന്ന കായിക മന്ത്രി വി അബ്ദുറഹിമാൻ്റെ പ്രസ്താവന വളരെ ആവേശത്തോടെയാണ് കേരളത്തിലെ ഫുട്ബോൾ പ്രേമികൾ ഏറ്റെടുത്തത്. മത്സര തീയതികൾ ഒന്നും വ്യക്തമാക്കാതിരുന്ന മന്ത്രി ...