ഐപിഎൽ ട്രേഡ് വിൻഡോയിൽ നാടകീയ നീക്കങ്ങൾ! മലയാളി താരം സഞ്ജു സാംസണെ ടീമിലെത്തിക്കാൻ ചെന്നൈ സൂപ്പർ കിംഗ്‌സ് വീണ്ടും സജീവമായി രംഗത്ത്. രാജസ്ഥാൻ റോയൽസുമായി സിഎസ്‌കെ മാനേജ്‌മെന്റ് വീണ്ടും ചർച്ചകൾ ആരംഭിച്ചതായാണ് ഏറ്റവും പുതിയ റിപ്പോർട്ടുകൾ.അടുത്ത സീസണിലേക്കുള്ള ടീം പ്ലാനിംഗിൽ സാക്ഷാൽ എം.എസ്. ധോണി സജീവമായി ഇടപെടുന്നുണ്ട്. നവംബർ 15-നാണ് താരങ്ങളെ നിലനിർത്താനുള്ള അവസാന തീയതി. ഇതിന് മുന്നോടിയായി, നവംബർ 10, 11 തീയതികളിൽ ധോണി, പുതിയ ക്യാപ്റ്റൻ റുതുരാജ് ഗെയ്‌ക്‌വാദ്, കോച്ച് സ്റ്റീഫൻ ഫ്ലെമിംഗ് എന്നിവരുമായി നിർണ്ണായക ചർച്ച നടത്തും. സഞ്ജുവിന്റെ ട്രേഡ് സംബന്ധിച്ച അന്തിമ തീരുമാനം ഈ മീറ്റിംഗിൽ ഉണ്ടാകും.വമ്പൻ താരത്തെ കൈമാറാൻ ചെന്നൈ?ഇതൊരു സാധാരണ ട്രേഡ് ആയിരിക്കില്ലെന്നാണ് സൂചന. സഞ്ജുവിന് പകരമായി ചെന്നൈ സൂപ്പർ കിംഗ്‌സിലെ ഒരു “പ്രമുഖ താരത്തെ” വിട്ടുനൽകാൻ ധാരണയായേക്കും. ഈ സൂപ്പർ താരത്തോട് രാജസ്ഥാൻ റോയൽസിലേക്ക് മാറാൻ സമ്മതമാണോ എന്ന് സിഎസ്‌കെ മാനേജ്‌മെന്റ് അനൗദ്യോഗികമായി ആരാഞ്ഞതായും റിപ്പോർട്ടുകളുണ്ട്. ഇതോടെ, ആരാധകർ ഒന്നടങ്കം അമ്പരപ്പിലാണ്.അതേസമയം, രാജസ്ഥാൻ റോയൽസ് ഉടമ മനോജ് ബദാലെ, ചെന്നൈയെ കൂടാതെ ലഖ്‌നൗ സൂപ്പർ ജയന്റ്‌സ്, കൊൽക്കത്ത നൈറ്റ് റൈഡേഴ്‌സ്, ഡൽഹി ക്യാപിറ്റൽസ് എന്നീ ഫ്രാഞ്ചൈസികളുമായും ചർച്ചകൾ നടത്തുന്നുണ്ട്.എന്തായാലും, വരും ദിവസങ്ങൾ ഐപിഎൽ ലോകത്ത് നിർണ്ണായകമാണ്. സഞ്ജു മഞ്ഞക്കുപ്പായം അണിയുമോ, അതോ ചെന്നൈയുടെ ഏത് സൂപ്പർ താരമാകും രാജസ്ഥാനിലേക്ക് പോവുക എന്നറിയാനുള്ള കാത്തിരിപ്പിലാണ് ക്രിക്കറ്റ് ലോകം.