പതിനൊന്നാം ഐഎസ്എൽ സീസണിലെ കേരള ബ്ലാസ്റ്റേഴ്സിന്റെ ആദ്യ മത്സരം തിരുവോണനാളിൽ കൊച്ചിയിൽ അരങ്ങേറുമെന്ന് സൂചന. സെപ്റ്റംബർ 13നാണ് വരുന്ന ഐഎസ്എൽ സീസണിന് തുടക്കം കുറിക്കുന്നത്.
മുൻ സീസണുകളിൽ ഒക്കെയും ഉദ്ഘാടന മത്സരത്തിലെ ടീമുകളിലൊന്ന് കേരള ബ്ലാസ്റ്റേഴ്സ് ആയിരുന്നു. എന്നാൽ ഇത്തവണ മലയാള നാടിൻറെ ഏറ്റവും വലിയ ആഘോഷദിവസം തന്നെയാണ് പുതിയ കോച്ചിന് കീഴിൽ പുത്തൻ പ്രതീക്ഷകളുമായി കേരള ബ്ലാസ്റ്റേഴ്സ് പോരാടാൻ ഒരുങ്ങുന്നത്. ലഭിക്കുന്ന റിപ്പോർട്ടുകൾ അനുസരിച്ച് മത്സരം തിരുവോണ ദിവസമായ സെപ്റ്റംബർ 15 നോ പിറ്റേദിവസമായ 16 നോ നടക്കാനാണ് സാധ്യത.