പാരിസ് ഒളിമ്പിക്സിൽ മെഡൽ നേട്ടം രണ്ടായി ഉയർത്തി ടീം ഇന്ത്യ. 10 മീറ്റർ പിസ്റ്റൾ മിക്സഡ് വിഭാഗത്തിൽ മനു ഭാക്കർ – സരബ്ജോത് സഖ്യമാണ് ഇന്ത്യക്കായി വെങ്കലമെഡൽ നേടിയത്. 10 മീറ്റർ എയർ പിസ്റ്റൾ വ്യക്തിഗത വിഭാഗത്തിലും മനു വെങ്കല മെഡൽ നേടിയിരുന്നു. ഇതോടെ സ്വതന്ത്ര ഇന്ത്യയ്ക്കായി ഒരു ഒളിംപിക്സിൽ തന്നെ ഒന്നിലധികം മെഡൽ നേടുന്ന ആദ്യ താരമായി മനു മാറി.
മത്സരിച്ച രണ്ടിനത്തിലും വെങ്കല മെഡൽ നേടിയ മനുവിന് ഇനി ബാക്കിയുള്ളത് വനിതകളുടെ 25 മീറ്റർ എയർ പിസ്റ്റൾ മത്സരമാണ്. യോഗ്യതാ മത്സരങ്ങൾ ഓഗസ്റ്റ് 2 നു ഉച്ചയ്ക്ക് ശേഷം നടക്കും.