സ്വപ്നിൽ കുസാലേയിലൂടെ ഒളിംപിക്സിലെ മെഡൽ വേട്ട തുടർന്ന് ടീം ഇന്ത്യ. പുരുഷന്മാരുടെ 50 മീറ്റർ റൈഫിൾ 3 പൊസിഷനിലാണ് സ്വപ്നിലിൻ്റെ നേട്ടം. ഇന്ത്യയുടെ മെഡൽ പട്ടികയിൽ മൂന്നാമത്തെ വെങ്കല മെഡലാണ് സ്വപ്നിൽ വെടിവെച്ചിട്ടത്. 8 പേർ മത്സരിച്ച ഫൈനലിൽ 451.4 പോയിൻ്റ് നേടിയാണ് സ്വപ്നിൽ മൂന്നാമതെത്തിയത്. 463.6 പോയിൻ്റ് നേടിയ ചൈനീസ് താരത്തിനാണ് സ്വർണ മെഡൽ.
12 വർഷത്തെ ഒളിംപിക്സിലെ മെഡൽ വരൾച്ചയ്ക്ക് വിരാമമിട്ട് കൊണ്ട് മനു ഭാക്കരിലൂടെയാണ് ഇന്ത്യ മെഡൽ വേട്ടയ്ക്ക് തുടക്കമിട്ടത്. 10m എയർ പിസ്റ്റൾ വ്യക്തിഗത വിഭാഗത്തിൽ വെങ്കല മെഡൽ നേടിയ മനു, മിക്സഡ് വിഭാഗത്തിൽ സരബ്ജോത് സിങ്ങുമായി ചേർന്ന് വീണ്ടും വെങ്കല മെഡൽ നേടി. ഇന്ത്യയുടെ നിലവിലെ 3 മെഡലുകളും ഷൂട്ടർമാരുടെ സംഭാവനയാണ്.